Бразилийн Рио Де Жанейро хотноо явагдах "РИО 2016" зуны Олимпийн наадам болоход нэг жилийн хугацаа үлдсэн.

Тус хотын зүгээс Олимпийн Наадмын бэлтгэл ажлын хүрээнд олон ажлуудыг зохион байгуулсаар байна. Тэдгээрийн нэг болох Олимпийн наадмын бэлгэ тэмдэг бүхий албан ёсны дурсгалын зоосыг өчигдөр гаргажээ.

РИО 2016 зуны Олимпийн Наадмын албан ёсны дурсгалын зоосыг Бразиль улсын Төв Банкнаас гаргасан байна. Өчигдөр олон нийтийн хүртээл болгоод байгаа энэхүү дурсгалын зоос нь РИО 2016 Олимпийн наадмын албан ёсны дурсгалын зоосны тусгай загвар бүхий гурав дахь хувилбар нь юм байна. Үүний өмнө тус банкнаас 2 төрлийн РИО 2016 Олимпийн зоосыг гаргасан байна.

Тус улсын Шуудангийн байгууллагаас "РИО 2016" дурсгалын маркыг мөн өчигдөр танилцуулжээ.