Хятад улсын төмс тариалалт сүүлийн жилүүдэд тогтвортой нэмэгдэж, ургацын хэмжээгээр дэлхийд тэргүүлжээ. Тухайлбал, өнгөрсөн онд Хятадад нийт 5.57 сая га талбайд төмс тариалж, 95 сая тонн ургац хураан авсан байна. Энэ нь дэлхийн хэмжээнд хураан авсан төмсний ургацын дөрөвний нэгийг бүрдүүлж буй юм. Гэсэн хэдий ч нэг га талбайгаас дунджаар 17.7 тонн ургац хурааж буй нь хөгжингүй орнуудынхаас доогуур үзүүлэлт гэдгийг Хятадын Хөдөө аж ахуйн академийн харьяа Хүнсний ногоо, цэцэг судлалын хүрээлэнгийн мэргэжилтнүүд өгүүлжээ. Мөн хүн амын төмсний хэрэглээ жилд дунджаар 41.2 кг болсон нь Европ, Америк тивийн орнуудаас хэд дахин бага юм