Японы мэргэжлийн сүмогийн долдугаар сарын башё буюу Нагоя башёгийн сүүлийн өдрийн барилдаан өнөөдөр болох гэж байна. 

Өнөөдрийн гол онцлох барилдаан Монголын аваргуудын хооронд болох юм.  Мэргэжлийн сүмогийн 69 дэх Их аварга Хакүхо М.Даваажаргал, 71 дэх аварга Какүрюү М.Ананд нар өнөөдөр аваргын төлөөх шийдвэрлэх барилдааныг хийх гэж байна.

Өнөөдөр Хакүхо аварга давбал 35 дахь түрүүгээ авах бөгөөд унах юм бол Какүрюү аьаргатай нэмэлт барилдаан хийх билээ. Өмнөх хоёр башёг гэмтлийн улмаас өнжсөн Какүрюү аварга энэ сард маш сайн барилдаж буй бөгөөд тэрээр хоёр дахь түрүүгээ авахын төлөө хичээх биз ээ. 

Мөн озеки цол хүртсэн анхны башёдоо сайн барилдсан Тэрүнофүжи өнөөдөр цол ижил Котошёогикүтэй хүч үзэх юм. Тэрүнофүжи давах аваас япон озеки Котошёогикү цолоо алдах болоод байгаа билээ.