МСБХ-ны 2015 оны Өсвөр үе идэрчүүдийн УАШТ ирэх долоо хоногоос эхлэх гэж байна. Энэ удаагийн тэмцээн 2 насны ангилалд хот хөдөө орон нутгаас шалгарсан нийт 64 багийн хооронд явагдаж, аваргаа тодруулна.

Тэмцээнийг Монголын сагсан бөмбөгийн ууган спортын мастеруудын нэг, алдар спорт хорооны дасгалжуулагч Л.Аюурзана агсны нэрэмжит болгон зохион байгуулж байна. Ерөнхий ивээн тэтгэгчээр Витафит компанийн ГОЁ бренд ажиллаж, өсвөрийн сагсчидаа дэмжихээр боллоо.

Тэмцээнээс эхний 8 байранд шалгарсан багууд Монголын хүүхдийн V их наадамд оролцох эрхээ авна. Энэхүү наадмаас Монгол улсаа төлөөлөн олон улсын хүүхдийн наадамд оролцох шигшээ багийг бүрдүүлэх учраас энэ удаагийн тэмцээн өсвөрийн сагсчдын хувьд онцгой ач холбогдолтой юм.

Түрүүлсэн баг тамирчид цом алтан медаль мөнгөн шагналын эзэд болохоос гадна спортын цол зэргийн болзол хангана.

Өсвөр үе, Идэрчүүдийн УАШТ-ий техникийн зөвлөгөөн 6-р сарын 28-ны 15 цагт МСБХ-ны төв байранд болно. Тэмцээн СТО болон ШУТИС-ын спорт зааланд 7 хоногийн турш үргэжилнэ.

Г.Үжин