Владимир Путины хамсаатан гэгддэг ОХУ-ын Засгийн газрын сайд асан Дмитрий Овсянников ОХУ-д тавьсан Их Британийн хориг арга хэмжээг тойрч гарсан гэм буруутай нь тогтоогдлоо.
Севастополь хотын захирагч асан Дмитрий Овсянниковыг Шотландын Халифакс банкинд (HBOS) данс нээлгэж, түүний эхнэр Екатерина Овсянникова хэдэн арван мянган фунт стерлинг шилжүүлж, хориг арга хэмжээнээс санаатайгаар зайлсхийсэн хэрэгт буруутгагдаж байсан. 2023 оны 2-р сараас 2024 оны 1-р сарын хооронд хориг арга хэмжээг тойрсон долоон хэрэг үйлдсэний зургаад нь лхагва гарагт Саутваркийн титмийн шүүх түүнийг буруутай гэж үзжээ.
Түүний ах, 47 настай Алексей Овсяников нь дүүгийнхээ хүүхдүүдэд сургуулийн төлбөр болох 41,027 фунт стерлинг төлж, хориг арга хэмжээг тойрч гарсан хэргээр хоёр удаа буруутгагдаж байжээ. Энэ хэрэг нь Оросын 2019 оны журмын дагуу хориг арга хэмжээг зөрчсөнтэй холбоотой Их Британид анх удаа мөрдөгдөж байгаа хэрэг юм гэж Crown прокурорын алба мэдэгдэв.
Анхны хөрөнгийг царцаах үед 2020 онд эрх баригч Нэгдсэн Орос намаас хөөгдөж, хөөгдөхөөсөө өмнө ОХУ-ын Аж үйлдвэр, худалдааны дэд сайдын албыг хашиж байсан Овсянников хүнсний бүтээгдэхүүн худалдан авах ч эрхгүй байв. Эхнэр нь 2023 оны хоёрдугаар сард нөхөртөө нийт 76,000 фунт стерлингийн төлбөр төлөхөд тусалснаар хориг арга хэмжээг тойрсон дөрвөн зүйлээс чөлөөлөгдсөн. Түүний ахыг 54,500 фунт стерлингийн үнэ бүхий Мерседес Бенз худалдан авч, Овсянниковын машины даатгалд хамруулж, Barclays банкны дансыг нь ашиглах боломжтой болгосноор хориг арга хэмжээг зөрчсөн гэх гурван зүйл ангиас чөлөөлөгдсөн.
Их Британийн ГХЯ-ны сайд Стивен Даути “Ноён Овсианников өөрийгөө манай хориг арга хэмжээнээс нуугдаж чадна гэж бодсон.Өнөөдрийн шүүхийн шийдвэр эсрэгээр нь харуулж байна. Бид Путин, түүний ойр дотны хүмүүс болон Украин дахь дайнд тусалж буй бүх хүмүүст үзүүлэх дарамт шахалтыг нэмэгдүүлэхийн төлөө байна. Бид хориг арга хэмжээг хамгийн үр дүнтэй ашиглах, хатуу хэрэгжүүлэх үүрэг хүлээсэн гэдгээ тодорхой хэлсэн. Бид хориг арга хэмжээг хэрэгжүүлэх дэглэмээ үр дүнтэй байлгах, шаардлагатай үед хатуу арга хэмжээ авах чадвартай байхын тулд уйгагүй ажиллаж байна" гэжээ.
Л.Баяр
