Баянзүрх дүүрэг, 11-р хороо, Богд уулын арын авто зам, “Скай ресорт”-оос “Их тэнгэр” хүртэлх авто замыг хааж, шинэчилнэ. Тодруулбал хэсэгчилсэн засвар шинэчлэлийн ажлыг 2024 оны 10 дугаар сарын 14-ний өдрийн 06:00 цагаас 2024 оны 10 дугаар сарын 21-ний өдрийн 06:00 цагийн хооронд хийнэ. 

-СХД-ийн дөрөв, тавдугаар хороо, Толгойтын авто замаас далан дагасан Баянхошуу хүртэлх авто замыг 10 дугаар сарын 14-ний өдрийн 23:00 цагаас 17-ны өдрийн 06:00 цагийн хооронд хааж, шинэчилнэ.

-Архивын ерөнхий газраас Нисэхийн тойрог хүртэлх урдаас хойшоо чиглэлийн зүүн талын авто замыг 10 дугаар сарын 14-ний өдрийн 23:00 цагаас 17-ны өдрийн 06:00 цагийн хооронд хааж, шинэчилэхээр болсон байна. Ингэхдээ хойноос урагш чиглэлийн баруун хэсгийн эгнээгээр тээврийн хэрэгслийн хөдөлгөөнийг сөрүүлэн зохицуулахаар болжээ.

Иймд иргэд, жолооч та бүхэн бусад замыг сонгон хөдөлгөөнд оролцоно уу.