Хоёрдугаар сард Монгол Улсын гадаад худалдааны эргэлтийн хэмжээ 1 тэрбум 208 сая ам.доллар хүрчээ. Өнгөрсөн оны мөн үеэс 8.3%-иар буюу 108.8 сая ам.доллараар буурсан байна. Үүнд экспорт 88.5 сая ам.доллараар өссөн хэдий ч импорт 197.4 сая ам.доллараар буурсан нь нөлөөлжээ. Жилийн өсөлтийн хурд өнгөрсөн оны мөн үеэс 2 нэгж хувиар буурсан бөгөөд үүнд экспортын жилийн өсөлт 21 нэгж хувиар нэмэгдсэн, импортын жилийн өсөлт 11 нэгж хувиар буурснаар ийм үр дүн гарч байгаа аж.
Хөрш орнуудтай хийсэн худалдааг авч үзвэл, нийт бараа эргэлтийн 54% буюу 647.4 сая ам.долларын худалдааг БНХАУ улстай, 15% буюу 181.5 сая ам.долларын худалдааг ОХУ-тай тус тус хийсэн байна. БНХАУ-тай хийсэн худалдаа өнгөрсөн оны мөн үеэс 11%-иар өссөн бол, ОХУ-тай хийсэн худалдаа 37%-иар буурчээ.
