Драмын сайхан хүүхнүүдийн нэг, Ардын жүжигчин Жамсранжав агсны охин жүжигчин Ж.Оюундарийн тухай 24 баримтыг хүргэж байна.

1.  Аав нь Ардын жүжигчин. Ээж нь хар нялхаасаа л урлагт зүтгэж драмын театрт гуч гаруй жил нүүр будалт хийсэн уран бүтээлч хүн.

2. Тиймээс Ж.Оюундарь урлагийн гэр бүлд өссөн. Энэ нь хожмоо жүжигчин болоход нь их нөлөөлсөн.

3.   Хүүхэд байхдаа театрт тавигдсан жүжгүүдийг их үздэг байсан гэдэг.

4. Түүнийг жүжигчин болоход урлагийн ажил хэцүү хэмээн аав нь  тийм ч таатай хүлээж аваагүй. Харин эмч болгох сонирхолтой байсан.

5. Ж.Оюундарь Унгарт Анагаахын сургуульд өрсөлдөж, хуваарь авчихаад суралцалгүй орхиж байсан.

6.  Харин тэрбээр сонголтондоо үнэнч үлдэж аавынхаа мэргэжлийг өвлөж, өөдрөг яваадаа баярладаг.

7. Хатуу үгээр хурцалж байдаг аав нь Оюундарийг “Хүйтэн сэнтий” жүжгийн хатны дүрд тоглосны дараа “Миний охин одоо жүжигчин болжээ. Баяр хүргэe. Шинжихэд их чимхлүүр, сайн уран бүтээлч болох нь байна шүү. Чиний ханцуй хаялтыг харахад их зүйл хэлж байна. Хүн болгонд тэр бүр заяагаад байдаггүй нарийн мэдрэмж чамд бий“ гэж хэлж байжээ.

8. Аавынхаа авьяас, мэргэжлийг өвлөсөн тэрбээр их театрын тайзнаа олон дүр амилуулсан нэгэн. Тухайлбал, Лусын дангина" хүүхдийн жүжиг, "Шөнө амталсан нулимс", "Нэргүй од" гэх мэт маш олон уран бүтээлд дүрээ мөнхөлсөн.

9.  Театрт үйлчилгээний ажилтнаар ажиллаж байсан. Мөн хошин урлагт нэг хэсэг хүчээ үзсэн. "Өнгөт инээд"-ийг анх Оюундарийн ангийн хүүхдүүд байгуулж байсан юм.

10. Тухайн үед "Х-ТҮЦ", "17 Чингэлэг инээд" гэх мэт бүх газарт нь тэд очиж тоглодог байсан.

11. Ж.Оюундарь гавьяат “Мөрөөдлийн театр”-ын "Ээжийн дайсан" кино, Амьдрал өөрөө бэлэг" тоглолт, “Миний нууц хүү” жүжигт нь тоглож байсан юм.

12.  Ж.Оюундарь дөчин насны босго алахсан хйоноо үрийн зулай үнэрлэж, ээж болсон.

13. Жүжигчин Ж.Оюундарь нөхрийнхаа бусдад их тусархуу, цайлган сэтгэлтэй, юманд их мэдрэмжтэй, ухаалаг ханддаг занг нь хүндэлдэг.

14.  Тэднийг урлаг учруулсан гэдэг. Анх “Ромео Жульетта” жүжигт тоглож байхад нь нөхөр нь тайзан дээрээс олж харж дурласан гэдэг.

15. Аливаа зүйл сайнтай, муутай байдаг шиг хайр ч гэсэн зовлон, жаргал, үзэн ядалт, гомдол, бахархал аль алийг нь дагуулдаг гэж тэрээр нэгэн ярилцлагандаа онцолж байжээ.

16.  Харин түүнийг гэр бүлээ тэр бүр ил гаргадаггүй болохоор одоо ч ганцаараа амьдардаг гэх хүмүүс олон байдаг.

17.  Оюундарь ном унших дуртай.  Түүнд шашин, бизнес, адал явдлын тухай өгүүлсэн ном сонирхолтой санагддаг.

18. Түүнийг найзууд нь цоожтой авдар гэж хочилдог. Учир нь Оюундарь бол хамгийн сайн нууц хадгалагч.

19.  Тэрээр хамгийн сүүлд өчигдөрхөн нээлтээ хийсэн “Голланд сарнай” киноны гол дүрд тоглосон.

20.   Гавьяат жүжигчин маань “Гэгээн муза-2011" наадмын Оны шилдэг эмэгтэй номинацид “Оролмаа” жүжгийн малгайчин, “Миний нууц хүү” жүжгийн Шүүдэрээгийн дүрээр нэр дэвшиж ялагч болсон.

21.  Тэрээр аливааг үргэлж сайнаар харахыг хичээдэг. Энэ нь түүний давуу тал.

22.  Оюундарь эргэн тойрондоо байгаа олон хүнийг хүндэлж, хайрладаг. Түүний хүндэлдэг хүмүүсийн нэг бол Мөнхдорж найруулагч.  Түүнд Мөнхдорж найруулагч маш уужуу ухаантай, юмны наад цаадахыг олж мэддэг, их өргөн цар хүрээтэй бодож сэтгэдэг учраас тэр хүний хэлсэн үг бүр үнэ цэнэтэй байдаг байна.

23. Үзэгч түмэнд хүрсэн цагаасаа хойш нэлээн нэр алдарт хүрээд байгаа "Ану хатан” кинонд мөн Оюундарь тоглосон.

24.  Тэрбээр эерэг, эсрэг аль ч дүрийг маш чадварлаг бүтээдэг. Тиймээс ч олон түмний хайр хүндэтгэлийг татсан цөөхөн хэдэн жүжигчдийн тоонд яахын аргагүй багтах юм.