Чөлөөт бөхийн холбооны талаар Чөлөөт бөхийн дэлхийн аварга П.Орхон тэргүүтэй тамирчид мэдээлэл хийж байна. Энэ үеэр ОУХМ Т.Тулга дараах мэдээллийг өглөө. 

Тэрбээр "Дэлхийн бөхийн холбооны бүх үйл ажиллагаа дөрвөн жилээр явдаг. Манай холбоо төлөвлөгөөтэй яваасай хэмээн хүсэж байгаа. Оны дундуур гэнэтийн шийдвэрүүд их гаргадаг. Энэ нь тамирчдыг хоёр талцуулж байна. Тэмцээнд 40 тамирчин явлаа гэхэд Улсын аваргад ялсан 20 тамирчин, ялагдсан 20 тамирчин гээд хоёр талд явж байна. Бид уг нь нэг дэвжээнд нэг баг болоод явах байтал хоёр талцчихсан.  Дэлхийн дэвжээ, Олимдын дэмжээнд гарахад тамирчид дор хаяж жилийн бэлтгэл хийж оролцдог. Наймдугаар сард бэлтгэлээ хийж эхлээд есдүгээр сард Дэлхийн аварга шалгаруулах тэмцээн болох гэж байна. Ийм боломжгүй зүйлийг Чөлөөт бөхийн холбоо яагаад гаргаад байгаа юм бэ. Биднийг сорих боломж зөндөө байсан.

Гадагшаа биднийг дэмжиж ажиллаагүй байж улс дотор нь алалцуулж байна. 

Гадаад дотоод явахад манай улсын чөлөөт бөхийн тамирчид шиг эрээн мяраан хувцастай тамирчид байхгүй" гэв. 

Д.Батчулуун