Бидний дунд элбэг тохиолддог вируст гепатит А,Е, цусан суулга, вирусын гаралтай суулгат халдварууд, балнад, булчин задрах тахал, хоолны хордлого, бэтэг, цагаан хорхойтох зэрэг өвчнүүдийн 90 орчим хувь нь бохир гараар дамжин халдварладаг байна.
Бага насны хүүхдүүдийн нас баралтын хоёр дахь том шалтгаан болдог суулгат халдварын өвчин нь мөн бохир гараар дамждаг. Иргэд гараа дан ганц усаар угаах нь хангалтгүй бөгөөд угаагүйтэй яг ижил гэнэ. Тиймээс гараа сайтар савандаж угааж занших хэрэгтэй гэдгийг эмч, мэргэжилтнүүд анхааруулж байна.
