Тайваньтай тогтоосон дипломат харилцаагаа тасалж, Хятад улстай дипломат харилцаа тогтоож байгаагаа Сальвадорын засгийн газар зарлажээ.

Хятадын гадаад хэргийн сайд Ван И болон Сальвадорын гадаад хэргийн сайд Карлос Кастанеда нар өнөөдөр өглөө Дяоюйтай төрийн ордонд дипломат харилцаа тогтоох тухай зохих баримт бичигт гарын үсэг зурсан байна.
 
Сальвадор улс нь сүүлийн саруудад Тайваньтай тогтоосон дипломат харилцаагаа тасалж буй орнуудын 3 дахь нь болж байна.  Өмнө нь Доминиканы Бүгд Найрамдах улс болон Буркина-Фасо улс мөн ийм шийдвэр гаргаж байжээ.