Спортын төв ордны дэргэдэх аркад 30 настай иргэн хавчуулагдан нас барсан харамсалтай хэрэг гарчээ.

Тодруулбал, Сүхбаатар дүүргийн наймдугаар хорооны нутаг дэвсгэрт  өнгөрсөн мягмар гариг  шөнийн 01:00 цагийн орчимд ТҮЦ ачиж байсан иргэн хавчуулагдаж нас барсан байна.

Уг ТҮЦ-ийг эзэн нь  бус зэргэлдээ үйлчилгээ эрхэлдэг зоогийн газрын эзэн дур мэдэн ачуулжээ.  Талийгаач залуу ачсан ТҮЦ-ний дээр сууж явснаас хавчуулагдсан бололтой. Уг хэргийг Замын цагдаагийн албаны Гэмт хэрэгтэй тэмцэх газарт шалгаж байна.