Аль ч газрын нисэх онгоцны буудлын Аюулгүй байдлын ажилтнууд лонх ус, шүршүүрийн гель, нүүрний тос зэргийг хураан авдаг нь нийтлэг үзэгдэл юм. Гэвч Өмнөд Солонгосын Инчоны олон улсын нисэх онгоцны буудалд шингэн зүйл авч зорчихгүй байх дүрмийг мөрдүүлэхээс гадна өөр нэг хориотой зүйл болох солонгосчуудын хоолны ширээний гол хачир болох кимчиг их хэмжээгээр хураан авдаг аж.

Өнгөрсөн жил Инчоны олон улсын нисэх онгоцны буудлын (ICN) албаныхан гар тээшинд шингэн зүйл оруулахыг хориглосон заалтыг зөрчсөн зорчигчдоос 10.7 тонн кимчиг хураан авчээ.

Учир нь савласан кимчи нь ихэвчлэн лонхонд эсвэл гялгар уутанд хийж, халуун ногоотой соусанд дэвтээдэг бөгөөд энэ нь шингэн зүйлд тооцогддог. Дэлхийн бусад нисэх онгоцны буудлын нэгэн адил ICN-ийн эрх баригчид гар тээшинд 100 мл-ээс их хэмжээтэй шингэн, гель тээвэрлэхийг хориглодог дүрэмтэй. 2023 онд уг нисэх онгоцны буудлын ажилтнууд 10.5 тонн жанг хураан авсан гэж мэдэгдэв.

Л.Баяр