Өнөө өглөөний цаг уурын станц, харуулын мэдээгээр Увс, Завхан, Хөвсгөл, Ховдын зарим газраар 0-3 см зузаан цас тогтсон байна. Үүнээс хамгийн их нь Завханы Нөмрөгт 3 см, бусад хэсгээр 0-2 см зузаан цас тогтсон байна.
Харин баруун болон төвийн аймгуудын нутгийн хойд хэсгээр 0-5 мм бороо, цас оржээ. Үүнээс хоногийн нийлбэрээр хамгийн их нь Булганы Тэшигт 9 мм, Баян-Өлгийн Баяннуур, Хөвсгөлийн Цагаан-Үүр, Алаг-Эрдэнэд 5 мм, бусад нутгаар 0-4 мм бороо болон цас оржээ.
