Санхүүгийн зохицуулах хорооны 2014 оны 10 дугаар сарын 21-ний 389 тоот тогтоол болон Монголын хөрөнгийн биржийн Гүйцэтгэх захирлын 2014 оны 10-р дугаар сарын 23-ны өдрийн 169 дугаар тушаалаар Монгол Улсын Засгийн газрын жижиглэнгийн үнэт цаасыг /ЗГЖҮЦ/ Монголын хөрөнгийн биржээр дамжуулан үнэт цаасны зах зээлд арилжаалах шийдвэр гарсан бөгөөд уг арилжааг 2014 оны 11 дүгээр сарын 04-ний өдрөөс эхлэн зохион байгуулж, нийт 37,553,900,000 төгрөгийн ЗГЖҮЦаас арилжлаа.
               Үнэт цаас гаргагчийн хүсэлтийн дагуу 2015 онд Засгийн газрын үнэт цаасыг МХБ-ээр дамжуулан арилжихаар болж, МХБ-ийн Гүйцэтгэх захирлын 2015 оны 1 дүгээр сарын 05-ны өдрийн 01 тоот тушаалаар нэг бүр нь 100,000 төгрөгийн нэрлэсэн үнэтэй, нийт 624,461 ширхэг буюу 62,446,100,000 төгрөгийн үнийн дүн бүхий ЗГЖҮЦаасыг бүртгэн авлаа. Тус үнэт цаасны арилжааны захиалгыг хуанлийн 6 хоногийн турш авах бөгөөд 6 дахь хоногийн 11 цагт арилжааг хаах ба МХБ-ийн арилжааны системд нийт захиалгыг хүлээн авсны дараа нийт ирсэн саналыг  Сангийн яаманд цахим хэлбэрээр хүргүүлэх бөгөөд Сангийн яамнаас баталгаажуулсны үндсэн дээр хуваарилалтыг хийж байна.

2015 оны 1 дүгээр сард ЗГЖҮЦаасны арилжаа дараах хуваарийн дагуу явна.