Энэ оны гуравдугаар сард НМХГ-аас Монголын Хөрөнгийн биржийн 2011, 2012, 2013 оны санхүү, аж ахуйн үйл ажиллагаанд хяналт шалгалт хийсэн билээ.

Тус шалгалтаар байгууллагын мөнгөн хөрөнгийг зориулалт бусаар болон хувийн хэрэгцээнд зарцуулсан, зарим ажилтнуудыг үндэслэлгүйгээр шагнаж урамшуулсан зэрэг санхүүгийн зөрчлүүдэд нийт 7 акт тавигдаж, 112.6 сая төгрөгийг нэр бүхий албан тушаалтнуудаар нөхөн төлүүлэхийг “МХБ” ТӨХК-д хариуцуулсан юм.

Тэгвэл өнөөдөр МХБ-ээс дээрхи зөрчлүүдтэй нэр холбогдсон хүмүүст холбогдох актыг хүргүүлсэн байна. Улмаар энэ сарын 30-ны өдрийн дотор торгуулийг төсөвт төвлөрүүлэхээ мэдэгдлээ.