Санхүүгийн тогтвортой байдлын зөвлөл (СТБЗ)-ийн ээлжит хуралдаан энэ сарын 23-ны өдөр боллоо.

Хуралдаанаар ББСБ-уудыг Монголбанкны гадаад валютын дуудлага худалдаанд оролцуулах, гадаад валютын своп, форвард хэлцэл байгуулах болон Монголбанкны үнэт цаас худалдан авах, бичил санхүүгийн зээлийг дамжуулан зээлдүүлэх үйл ажиллагаанд хамруулах боломжийн тухай, улсын зээлжих зэрэглэл, түүнд нөлөөлсөн хүчин зүйлсийн шинжилгээ, гадаад секторын болон гадаад дотоодын валютын захын тойм зэрэг асуудлуудыг авч хэлэлцсэн байна.

Хуралдаанаас гарсан шийдвэрийн дагуу Санхүүгийн тогтвортой байдлын зөвлөлөөс холбогдох газруудад хариуцсан чиглэлээр тодорхой үүрэг даалгавар өгсөн тухай СТБЗ-ийн ажлын албанаас мэдээллээ.