Санхүүгийн зохицуулах хорооны ээлжит хуралдаанаар “Хамтын хөрөнгө оруулалтын санг үүсгэх байгуулах, хамтын хөрөнгө оруулалтын сангийн үйл ажиллагаа эрхлэх тусгай зөвшөөрөл олгох тухай журам”-ыг хэлэлцэн баталлаа.

Өнгөрсөн онд батлагдсан "Хөрөнгө оруулалтын сангийн тухай хууль" он гарснаар хэрэгжиж эхэлсэн бөгөөд хуулийн хүрээнд Хөрөнгө оруулалтын санг байгуулах, үйл ажиллагаа явуулах журмыг ийнхүү Санхүүгийн зохицуулах хорооноос баталж байгаа юм.

Энэхүү журам батлагдсанаар дотоодын аж ахуйн нэгжүүд, хувь хүн, цаашилбал гадаадын хөрөнгө оруулагчид мэргэшсэн хөрөнгө оруулалтын байгууллагаар дамжуулан хөрөнгийн зах зээлд оролцох боломж бүрдэж байна.