МХБ-ийн өнөөдрийн арилжаагаар 18 компанийн 30,091 ширхэг үнэт цаас арилжигдаж нийт 26,766,652 төгрөгийн гүйлгээ хийгдлээ.

Энэ өдөр А самбарт 15 компанийн нийт 25,854 ширхэг хувьцаа арилжигдсан ба нийт 20,788,652 төгрөгийн гүйлгээ хийгдсэн бол Б самбарт 3 компанийн нийт 4,237 ширхэг хувьцаа арилжигдсан ба нийт 5,978,000 төгрөгийн гүйлгээ хийгджээ.

Өчигдөр 15, 686 төгрөг 11 мөнгөөр хаалтаа хийсэн  "Топ 20 индекс" өнөөдөр 15,566 төгрөг 97 мөнгө болж 0,76 хувиар буурсан юм.

Түүнчлэн "Женко тур бюро" ХК-ын үнэт цаас 16,735 ширхэг арилжигдсан нь хамгийн олон тоогоор арилжигдсан үнэт цаас болсон бол хамгийн өндөр дүнтэй гүйлгээ хийгдсэн арилжаа "Таван толгой" үнэт цаасных байж нийт 9,449,890 төгрөгийн гүйлгээ хийгдсэн байна.