Өчигдөр болсон МХБ-ийн үнэт цаасны Анхдагч зах зээлийн арилжаагаар “Мерекс” ХК-ын үнэт цаас амжилттай арилжаалагдлаа.

Тэд нэг бүр нь 100 төгрөгийн нэрлэсэн үнэ бүхий  26,000,000.00 ширхэг үнэт цаас арилжаалсан байна.

2012 онд “Мерекс” ХК барилгын материал, гадаад худалдааны чиглэлээр үйл ажиллагаа явуулахаар үүсгэн байгуулагдаж, цагт 150 м.куб бетон үйлдвэрлэх хүчин чадалтай БНСУ-д үйлдвэрлэсэн TW-2500 маркийн бетон зуурмагийн үйлдвэр барьж ашиглалтанд оруулж, бизнес төлөвлөгөөгөө бүрэн хэрэгжүүлэхээр энгийн хувьцааг олон нийтэд санал болгосон юм.

Тус компанийн андррейтэраар “Стандарт инвестмент” ХХК ажилласан бөгөөд ийнхүү тэд Монголын хөрөнгийн биржид үнэт цаасаа олон нийтэд анхлан санал болгосон 14 дэхь компани боллоо.