Хөрөнгийн зах дээр өнөөдөр арилжигдсан үнэт цааснууд дотор “Хүнс-Архангай” компанийн үнэт цаас хамгийн их буюу 11.96 хувийн бууралттай гарчээ.

Ингэснээр тус компанийн үнэт цаас 275 төгрөгөөр буурч 2025 төгрөг болсон байна.

Брокер диллерийн компаниудад ирсэн захиалгаар тус хувьцааг худалдаж авах санал өнөөдөр ирээгүй бөгөөд тус бүрийг нь 2300 төгрөгөөр 41 ширхэгийг зарах захиалга бүртгэгджээ. Үнэт цаас Б самбарт арилжигдсан бөгөөд 20 ширхэг арилжигдсан байна.

Мөн өнөөдрийн их бууралттай үнэт цаасны жагсаалтад “Нэхээсгүй эдлэл” 7.1 хувь, "Монгол шилтгээн" 4.66 хувь, “Баянгол зочид буудал” 4.49 хувь, “Дархан нэхий” 3.23 хувиар тус тус буурч бичигдсэн юм.