Дэлхийн хамгийн ухаалаг хотын жагсаалтыг АНУ-ын Нью Йорк тэргүүлсэн тухай Дэлхийн эдийн засгийн форум мэдээлжээ.

Тус хот энэхүү байрыг хоёр дахь жилдээ эзэлсэн нь энэ аж. Үүний араас Их Британийн Лондон, Францын Парис бичигдсэн байна. Тэгвэл дөрөвдүгээрт Японы Токио, тавдугаарт Исландын Рейкьявик бичигдэв. Эдгээрийн дараа Сингапур, Сөүл, Торонто, Хонконг, Амстердам эрэмбэлэгджээ.

Уг жагсаалтын эхний 25-д Европын 12 хот орсон байна. Харин Азиас дөрөв багтсан нь дээр дурдсан хотууд юм. Тус жагсаалтыг дэлхийн 80 орны 165 хотыг оролцуулан, эдийн засаг, хүрээлэн буй орчин, засаглал, хот төлөвлөлт, технологи нэвтрүүлсэн байдал, тээвэрлэлт зэрэг үзүүлэлтийг харгалзан Испанийн IESE бизнесийн сургууль гаргажээ.

Р.Хишигжаргал