Иран улс Америкийн мөнгөн тэмдэгтээр худалдаа, наймаа хийхийг бүрэн хориглосон байна. Тус улсын гаалийн байгууллага хэрэв худалдааг доллараар хийсэн бол тухайн барааг хилээр нэвтрүүлэхгүй гэнэ шүү. Импортлогчид долларын оронд евро юм уу наймаа хийгдэж буй орны үндэсний мөнгөн тэмдэгтээр солих ёстой. 

Ингэснээр гадаад худалдаанд асуудал үүсэхгүй хэмээн Ираны Төв банк мэдэгдэв. Доллар ашиглахыг болих нэг томоохон шалтгаан нь тус улсын мөнгөн тэмдэгт риалын ханш уналт юм. Энэ оны эхнээс хойш доллартай харьцах риалын харьцаа найман хувиар унасан билээ. Дээр нь Иран улс, АНУ хоёрын харилцаанд томоохон сэв суусан билээ.