2024 он зуны олимпийн наадмыг Парис хотод, 2028 оны зуны олимпийн наадмыг Лос-Анжелес хотноо зохион байгуулах шийдвэр гаргасныг Олон улсын Олимпын хороо өчигдөр албан ёсоор мэдэгдлээ.

Тус хоёр хот нь анх хоёулаа 2024 оны олимпийн наадмыг зохион байгуулах хүсэлтэй байсан юм. Харин Олон улсын Олимпын хороо хоёр олимпийн наадмын санхүүжилтийг баталсны дараа Лос-Анжелес хот дахин дөрвөн жил хүлээн 2028 оны олимпийг зохион байгуулахаар тохиролцсон байна.