Өнөөдөр жүдо бөхийн насанд хүрэгчдийн 2017 оны дэлхийн аварга шалгаруулах тэмцээний 2 дахь өдөр. Унгарын нийслэл Будапешт хотноо болж буй тэмцээний энэ өдөр хуваарь ёсоор эмэгтэйчүүдийн 52, эрэгтэйчүүдийн 66 кг-ын  жингийн барилдаанууд явагдаж, медальтнууд тодорно.

Манай тамирчдаас эмэгтэйчүүдийн 52 кг-д ОУХМ Ч.Аззаяа, Б.Хорлоодой нар зодоглох бол эрэгтэйчүүдийн 66 кг-д Азийн аварга шалгаруулах тэмцээний хүрэл медальт, Парисын их дуулга тэмцээний тавдугаар байрын шагналт ОУХМ Г.Хэрлэн нар хүч үзнэ.  

Тэмцээний хэсгийн барилдаан манай цагаар 15:30 цагт эхлэх бол, шигшээ барилдаан 21:30 цагт эхэлнэ.