Франц улсын нийслэл Парис хотод болж буй чөлөөт бөхийн ДАШТ-ний 53 кг-ын жинд ДАШТ-ий мөнгө, хүрэл медальт, Азийн АШТ-ий алт, мөнгө, хүрэл, Иван Ярыгиний “Алтан Гранпри”-гийн алт, мөнгө, хүрэл медальт, үндэсний шигшээ баг, “Хасу-Мегастарс” клубийн тамирчин, Монгол Улсын гавьяат тамирчин Даваасүхийн Отгонцэцэг эхний барилдаанаа ЕАШТ-ий хошой хүрэл медальт Германы Нина Хеммертэй хийж, 8:6-гаар яллаа. Тэрбээр 1/8 шигшээд энэ жилийн Оросын аварга буриад бүсгүй Сталвира Оршуштай барилдана. Түүний өрсөлдөгч нь эхний тойрогт 2012 оны дэлхийн аварга Канадын Жессика Макдональдыг оноогоор цэвэр ялжээ.