iPhone 7 загвар чихэвчийн оролтгүй болж байгаа тухай мэдээлж байсан MobileFun компани энэ удаад мөн iPhone 8-ын загварыг олон нийтэд дэлгэлээ. Компани iPhone 8 загварт зориулсан, 24,99 фунт стерлингийн үнэтэй нүүрэн талын шилэн наалтаа худалдаанд гаргажээ. Үүнээс үзэхэд iPhone 8 загвар 5,8 инчийн ирмэггүй дэлгэцтэй болох аж. Энэхүү мэдээллийг өнгөрсөн хоёрдугаар сард KGI-ийн шинжээч Мин Чи Куогийн iOS 11 үйлдлийн системийн өөрчлөлтөд дурдагдаж байжээ. Тиймээс түүний өгсөн бусад мэдээлэл үнэний ортой байж магадгүй аж. Мин Чи Куо шинэ iPhone-д MacBook Pro загварт анх танилцуулсан “Function Area”-тай адил зүйл нэмэгдэнэ гэж мэдээлж байсан юм.