Бирмийн цэргийн нисэх онгоц сураггүй болжээ. Тус онгоц 100 гаруй хүн тээвэрлэж явсан байна.  Бирм буюу Мьянмарын армийн албаны хүмүүсийн мэдэгдсэнээр, онгоц тус улсын өмнөд нутгийн Миейк хотоос хамгийн том хот болох Янгоны хооронд нислэг үйлдэж байжээ. Улмаар Давэй хотод хүрэхэд 30 гаруй км дутуу байхад буюу орон нутгийн цагаар лхагва гарагийн  үдийн 1:35 цагт гэнэт холбоо тасарсан байна.  Онгоцыг эрэн хайх ажил хэдийн эхэлсэн байна.