Гольфын спортын дэлхийн шилдэг тамирчин Тайгер Вүүдс Флорида муж улсад согтуугаар машин жолоодсон хэргээр баривчлагдсан байна. Цагдаагийн газрын мэдээлснээр Т.Вүүдсийг даваа гарагийн өглөө Юпитер хотод баривчилсан бөгөөд хэдэн цагийн дараа барьцаагаар суллажээ.

Энэ цаг үеийн хамгийн шилдэг тоглогч болох 41 настай Т.Вүүдс 2008 оноос хойш томоохон тэмцээнүүдэд ялалт байгуулаагүй байгаа юм. 

Бараг 700 долоо хоногийн туршид чансаагаараа дэлхийд тэргүүлж байсан тэрбээр одоо 876-д бичигдэж байгаа аж. Т.Вүүдс нуруундаа хэд хэдэн мэс засал хийлгэсэн бөгөөд энэ нь түүний хувьд их спортоос хөндийрөх гол шалтгаан болсон гэж үздэг. Т.Вүүдс гольфын 14 том тэмцээнд түрүүлж, Америкийн гольфчин Жэк Никлосын 18 удаа түрүүлсэн амжилтыг эвдэх зорилт тавиад байсан юм.

Х.Сарнай