“Microsoft” компани шинэ загварын “Surface Laptop” зөөврийн компьютер болон Windows 10S үйлдлийн системээ танилцуулжээ.

Тус зөөврийн компьютер нь 13,5 инчийн мэдрэгч бүхий дэлгэцтэй, Intel Core i5 процессортой, 4Гб-ын шуурхай санах ойтой, 128Гб-ын санах ойтой шинэ нөүтбүүкний үнэ 999 доллар бол Intel Core i7 процессортой, 16Гб-ын шуурхай санах ой, 512Гб-ын санах ойтой нөүтбүүк 2199 долларын үнэтэй байх ажээ.

“Surface Laptop” нөүтбүүк нь Windows 10S үйлдлийн системтэй ба дөрвөн өөр өнгөтэй уг нөүтбүүкийг 6 дугаар сарын 15-наас худалдаалж эхлэх юм байна. Шинэ үйлдлийн систем нь хамгаалалтын түвшин өндөртэй, учир нь түүнд зөвхөн Windows store-ийн албан ёсны аппликэйшнүүдийг суулгах боломжтой аж.