Оросын загвар өмсөгч Ирина Шейк, Америкийн жүжигчин, продюсер Брэдли Купер нар хүүхэдтэй боллоо хэмээн TMZ сайт мэдээллээ. Ирина Шейк хоёр долоо хоногийн өмнө амаржсан, гэвч энэ тухай мэдээ одоо л тархаж байгаа аж. Хүү, охины аль нь болох, ямар нэг өгснийг нууцалж байгаа ч охинтой болсон гэдгийг ойр дотныхон нь хэлсэн байна. Түүгээр ч барахгүй "Lea-де-Seine Shayk Cooper" гэх нэрийг өгчээ.

Дэлхийн шилдэг хөлбөмбөгч Кристиано Роналдотой таван жил амьдарсан Ирина 2015 оны арванхоёрдугаар сараас эхлэн Б.Купертэй уулзах болсон юм. Тэд 2016 оны эхээр Нью-Йоркт байр худалдаж авчээ.

42 настай Брэдли Купер өмнө нь Женнифер Эспозитотой гэрлэж, Рене Зелвегертэй хамт амьдарч байсан. Анх удаа эцэг эх болоод байгаа дуулиант хос 2018 оны дундуур хуримаа хийхээр зэхэж байна.