"Youtube" шууд дамжуулдаг, төлбөртэй тв үйлчилгээ буюу "Youtube TV"-ийг танилцуулжээ. Тус үйлчилгээ нь одоогоор туршилтад байгаа бөгөөд ойрын хугацаанд "AMC" болон "BBC America" зэрэг "AMC Networks"-ийн кабелийн зургаан суваг нэмж орох юм байна.
"Youtube TV"-ийн нэг сарын төлбөр 35 ам.доллар бөгөөд энэхүү үйлчилгээг авснаар "AMC"-ийн алдарт "The walking dead" цуврал шоуг үзэх боломж бүрдэнэ. Энэхүү үйлчилгээ нь "Netflix", "Amazon" зэрэг томоохон компаниудын үзэгчдийн тоо буурахад нөлөөлөхөөс гадна насны хувьд харьцангуй залуу үзэгчдийн сонирхлыг татна гэж салбарынхан үзэж байна.
"Youtube TV"-ийг гар утас, зурагт зэрэг аль ч хэрэгслээр, хаанаас ч үзэх боломжтой гэдгээрээ илүү онцлогтой ажээ.
