Өмнөд Солонгос улсын экс Ерөнхийлөгч Пак Гын Хе өнөөдөр Сөүл хотын төв мөрдөн байцаах газар мэдүүлэг өгөхөөр очжээ.

Түүнийг мөрдөн байцаах газарт 9 цаг 30 минутад бэлэн байхыг шаардсан байна.

Экс Ерөнхийлөгч Пак Гын Хе нь мөрдөн байцаах газарт заасан цагаас 10 минутийн өмнө очиж, түүнийг хүлээж байсан сэтгүүлчдэд хандаж, “Би байцаагчийн асуусан асуулт бүрт үнэн зөв хариулах болно” хэмээн хэлээд дотогш орсон байна. Байцаалт өнөө оройг хүртэл үргэлжлэх төлөвтэй байна гэж солонгосын хэвлэлүүд мэдээлж байна.