“Mongolia’s next top model” шоуны ялагчид өнөөдөр тодорно. Финалд үлдсэн охидоос хэн ч түрүүлж магадгүй байгаа ч цахим ертөнцөөр шоуны ялагчид аль хэдийнэ тодорсон. Ялагчаар мисс Ю.Балжидмаа тодорсон хэмээн шуугисаар байна. Тэгвэл үүнийг Ю.Балжидмаа үгүйсгэжээ. Тэрбээр өөрийн цахим хуудаснаа “Ямар муухай юм бэ. Ингэж эвлүүлж хүмүүст тараагаад байна. Тэмцээн хэдхэн цагийн дараа эхлэх гэу байна. Хэнд ч саад хийлгүй өөрийн хүч хөдөлмөрөөрөө оролцож байна” хэмээн мэдэгдсэн байна. Ю.Балжидмаагийн хувьд Загвар өмсөгч, фото моделиор ажилладаг. “Miss Mongolia”  2014 тэмцээнд тэргүүн байр, “Монгол туургатны мисс”-т дэд байрын шагналтан билээ.