Мэргэжлийн сүмогийн 69 дэх Их аварга, Хакухо М.Даваажаргал эхнэр Саяако Вадагийн хамт хуримын 10 жилийн ойгоо тэмдэглэжээ. Тэд Хакүхог жүрьюү зиндаанд дэвших үеэр танилцжээ. Өдгөө тэд гурван охин, нэг хүүтэй болсон хосууд ойн баяраа гэртээ тэмдэглэн Хакүхо амтат хоолоороо эхнэрээ дайлсан байна. Тэрбээр энэ талаар өөрийн цахим хуудаснаа “Өдий хүртэл дэргэд минь байж дэмжсэн гэргийдээ баярлалаа. Мөн бид хоёрт үргэлж урам хайрладаг та бүхэнд гялайлаа” хэмээн бичсэн байна.