Жүдогийн ДАШТ-ийг 2018 онд Азербайжан улсын нийслэл Баку хотод зохион байгуулна гэж Олон улсын Жүдогийн холбооны Ерөнхийлөгч Мариус Визер мэдэгдлээ. Тэрбээр “Баку бол олон улсын хэмжээний арга хэмжээнүүдийг зохион байгуулах  талаар арвин туршлагатай хот" хэмээжээ. Харин 2017 оны жүдогийн ДАШТ Унгарын нийслэл Будапешт хотноо болох бол 2019 оны ДАШТ Японы нийслэл Токио хотод болох аж.

Жүдогийн ДАШТ болон Олимпын тоглолт бол жүдочдын хувьд хамгийн том тэмцээн юм. Жүдогийн анхны ДАШТ-ийг 1956 онд Токио хотод зохион байгуулж байжээ. Олимптой жилийг эс тооцвол жүдогийн ДАШТ-ийг жил бүр зохион байгуулдаг.