Энэ долоо хоногт Бөхийн өргөөнд томоохон барилдаан болох юм байна. Эхний барилдаан Хантайшир дэвжээ байгуулагдсаны 15 жилийн ойд зориулсан улс, аймгийн алдар цолтой 224 бөхийн барилдаантай.

Хантайшир дэвжээний барилдааны дараа энэ сарын 20-нд Үндэсний спортын ууган гавьяат мастер, дархан аварга Б.Түвдэндоржийн мэндэлсний 100 жилийн ойд зориулсан барилдаан болох бол сарын сүүлчээр буюу 27-нд Зууны манлай бөх, дэлхийн бөхийн од, Дархан аварга Х.Баянмөнхийн нэрэмжит 224 бөхийн барилдаан тус тус болох гэж байгаа юм байна.