Олон улсын буудлагын холбооноос дэлхийн шилдэг мэргэн буучдын чансааг шинэчлэн гаргажээ. Манай тамирчдаас Хөдөлмөрийн баатар, Гавьяат тамирчин О.Гүндэгмаа 10, 25 метрийн спорт гар бууны дасгалд дэлхийн чансааны 9, 13-р байрт тус тус бичигдсэн байна.

Мөн ОУХМ Ц.Мөнхзул 25 метрийн спорт гар бууны дасгалд 15-р байрт эрэмбэлэгджээ. Түүнчлэн манай тамирчдаас 10, 50 метрийн урт бууны төрөлд ОУХМ Г.Нандинзаяа 7, 14-р байрт тус тус бичигдсэн байна.

Дэлхийн чансааг сард нэг удаа танилцуулдаг бөгөөд олимп, дэлхийн аварга, дэлхийн цом, тивийн аварга шалгаруулах тэмцээнд үзүүлсэн амжилтад нь оноо өгч тооцдог юм.