“Хас урлан” студи, “Шүүдэр” продакшны хамтын бүтээл “Галзуу зугаалга” УСК-ны нээлт өнгөрсөн амралтын өдөр буюу энэ сарын 24-ний өдөр Тэнгис кино театрт боллоо. Киноны нээлтэд олон зуун үзэгч, уран бүтээлчид хүрэлцэн ирсэн бөгөөд нижигнэсэн алга ташилтан дунд "Галзуу зугаалга"-ыг угтан авсан юм. Хар, цагаан өнгийн хувцсаар хосолсон киноны уран бүтээлчид Wrangler JEEP машины цуваагаар ирж, шар хивсэн дээгүүр алхсан нь бас л содон үйл явдал болов.

Авъяаслаг залуу уран бүтээлчид оролцсон энэхүү киноны зохиолыг Ц.Хүсэлбаатар бичиж, продюсерээр Б.Шүүдэрцэцэг, зургийн даргаар С.Өлзийхүү нар ажилласан юм. Их сургуулийн нэг ангийн 7 найз хэрхэн аялж, зугаалах адал явдлыг "Галзуу зугаалга" УСК-ноос үзээрэй.