“Хас урлан” студи, “Шүүдэр” продакшны хамтын бүтээл “Галзуу зугаалга” УСК нээлтээ хийгээд долоо хонож байна. Энэ хугацаанд Галзуу зугаалга үзэгчдийн талархалыг хүлээж байгаа аж.
"Галзуу зугаалга" киноны зохиолыг Ц.Хүсэлбаатар бичиж, продюсерээр Б.Шүүдэрцэцэг, зургийн даргаар С.Өлзийхүү нар ажиллажээ. Киноны хөгжмийг "Nisvanis''-ын Амгаа бичиж, зураачаар ОХУ-ын Бүх холбоотын киноны дээд сургууль буюу ВГИК-ийг төгсч ирсэн мэргэжлийн кино зураач Э.Батхүлэг, ерөнхий зураглаачаар Крис Мартин хэмээх америк зураглаач ажиллажээ. Крис Мартин зураг авалтаа 4к форматаар олон улсын чанарын стандартын дагуу хийснээрээ онцлог аж.
