Рио-2016 паралимпийн наадамд оролцсон Д.Баатаржав, А.Анхбаяр нар тэмцээнээ өндөрлүүллээ.
Тодруулбал 70 метрийн рекурв төрлийн эрэгтэйчүүдийн хувийн харваанд Д.Баатаржав, А.Анхбаяр нар өчигдөр цэц мэргэнээ сорисон.
Ингээд Д.Баатаржав хувийн шигшээ харваанд эхний өрсөлдөгч БНСУ-ын тамирчин Ли Хон Гуг 7-3-аар ялсан. Дараагийн учраа Японы тамирчин Томохирод 6-4-өөр ялагдаж тэмцээнээ өндөрлүүллээ.
Мөн тус төрөлд өрсөлдсөн манай тамирчин А.Анхбаяр БНСУ-ын тамирчин Ким Мин Суг 6-5-аар ялж шилдэг 16-д үлдсэн. Гэвч Польшийн тамирчин дэлхийн аварга Петр Савыцкийд 6-2-оор ялагдснаар тэмцээнээ дуусгав.
