Бодибилдинг, фитнессийн Азийн АШТ Бутан улсын Тимпу хотод үргэлжилж байна.
50 дахь удаагийн Ази тивийн аварга шалгаруулах тэмцээнд Монголын долоон тамирчин оролцож алтан медаль 2, мөнгөн медаль 1, хүрэл медаль 1, шагналт 4-р байр 1, шагналт 5-р байр нэг тус, тус эзэлжээ. Тодруулбал, эмэгтэйчүүдийн атлетик ангиллын 60 кг-д ДАШТ-ий хүрэл медальт Г.Гансаруул, ДАШТ-ий алтан медальт Г.Угалзцэцэг нар түрүүлж, Азийн аварга болжээ.
Мөн эрэгтэйчүүдийн атлетик ангиллын төрөлд Д.Энх-Эрдэнэ мөнгөн медаль, Г.Жамц шагналт 4-р байр, Т.Чахар шагналт 5-р байр, Г.Цэнгэл 8-р байр эзэлсэн бол спорт ангиллын төрөлд Н.Түвшинбаяр хүрэл медаль хүртсэн байна.
Өнөөдөр ДАШТ-ний Мөнгө, ААШТ-ний хошой Хүрэл медальт, Монголын Мистер тамирчин Л.Баянхүү, УАШТ-ний Алтан медальт тамирчин А.Ичинноров, Б.Гэрэлцэцэг нар тэмцээндээ оролцох юм байна.
