ОХУ-ын Владивосток хотод энэ сарын 19-нд "V-rox-2016" олон улсын амьд хөгжмийн наадам болох гэж байна. "Нисванис" хамтлаг тус наадамд гоцлон тоглохоор болжээ. Жил ирэх бүр хүрээгээ тэлж байгаа олон улсын хөгжмийн "V-Rox" фестивальд 2014 онд "Моханик", 2015 онд "The Colors" хамтлагууд Монгол улсаа төлөөлөн оролцож байсан юм. Ийнхүү олон улсын нэр хүндтэй наадамд оролцож буй гурав дахь монгол хамтлаг "Нисванис" болж байна.
