Монгол Улсад үндэсний сэтгүүл зүй үүсэж хөгжсөний 111 жилийн ой өнөөдөр тохиож байна.

1913 оны гуравдугаар сарын 6-нд “Шинэ толь хэмээх бичиг” сонин анхны дугаараас гарсан нь Монголын хэвлэл мэдээллийн салбарын анхны суурь байсан бөгөөд энэхүү сонины эрхлэгчээр их соён гэгээрүүлэгч Жамсрангийн Цэвээн ажиллаж байсан.

Харин энэ өдрийг 1993 онд болсон сэтгүүлчдийн их хурлаар дэмжиж “Сэтгүүлчдийн өдөр” болгосон байдаг. Сэтгүүл зүйн анхны алхам болох “Шинэ толь” сонин бичиг 50 орчим хуудастай сэтгүүл хэлбэрээр 500 хувь хэвлэгдэж, Төрийн байгууллагуудад тараагддаг байсан түүхтэй. "Үндэсний сэтгүүл зүй-111" жилийн баярын хурал, урлагийн тоглолт 09.30 цагаас Монголын хүүхдийн ордонд эхэлнэ. Энэ үеэр шагнал гардуулж, МСНЭ-ийн 2024 оны үйл ажиллагааны танилцуулгыг хийх бөгөөд МСНЭ-ийн вэб сайтын шинэчлэлийн нээлт болно.