Өргөн хэрэглээний хүнсий бараа бүтээгдэхүүний үнэ өнгөрсөн хоёр сарын дотор огцом нэмэгджээ. Үнэ нь нэмэгдэх болсон шалтгааныг худалдаачид мэдэхгүй, цаанаасаа л нэмэгдээд ирдэг гэж байна. Зарим хүмүүс ингэж огцом нэмэгдсэнийг, долларын ханшны өсөлт, цахилгааны үнэ нэмэгдсэнтай холбон тайлбайрлаж байгаа юм. Ингээд өнгөрсөн сард үнэ нь нэмэгдсэн 24 барааг танилцуулж байна.

1.    Цагаан будааны үнэ 200-300 төгрөгөөр нэмэгдэж, 1800-2100 болсон байна.

2.    Өндөг, гоймон, ургамлын тосны үнэ мөн адил 200-300 төгрөгөөр нэмэгдсэн байна. Өндөг 500 төгрөгийн үнэтэй болсон Ерөнхий сайдын хувьд үнийн өсөлт биш гэнэ.

3.    10 кг “Алтан тариа”-н гурил 7000 төгрөг болж бас л үнэ нь нэмэгджээ.

4.    Атарт талх 850 болж 30 төгрөгөөр үнэ нь нэмэгдсэн байна. Зарим томоохон худалдааны төвүүдэд 900 төгрөгөөр зарагдаж байна.

5.    Шинэ сүү 200-300 төгрөгөөр үнэ нь нэмэгдэж, 1700-1900 төгрөгөөр зарагдаж байна. Хуучин 1400 төгрөгийн үнэтэй байсан.

6.    Ургамлын тос 2800 төгрөг байсан бол 3000-3500 төгрөгийн үнэтэй болжээ.

7.    Элсэн чихэр хотын захын дэлгүүрүүдэд 2000 төгрөгийн үнэтэй болсон байна. Энэ нь 300 төгрөгөөр нэмэгдсэн үзүүлэлт юм.

8.    Бэлэн гоймон ч мөн 100-200 төгрөгөөр нэмэгджээ.

9.    Молоко 1500-1800 төгрөг байсан бол 2000 болж нэмэгджээ.

10.    Масло хотын төвийн дэлгүүрт 1800 төгрөгийн үнэтэй байна. Харин хотын дунд болон зах хэсэгт 1500-1700 төгрөгийн үнэтэй байна.

11.    Хонины махны үнэ харьцангуй тогтвортой байгаа ч “Дэнжийн 1000” захаас 6000 төгрөгөөр авах махаа бид “Бөмбөгөр” захаас авахдаа 3000 төгрөг илүү төлдөг.

12.    Төмс гар дээрээс 500 төгрөг бол дэлгүүрт 900 төгрөг байна.

13.    Лууван гар дээрээс 800 төгрөг байгаа бол дэлгүүрт 1200 төгрөг болсон байна.

14.    Сонгино гар дээрээс 1300 төгрөг бол дэлгүүрт 2000 төгрөг байна.

15.    Өргөст хэмх гар дээрээс 2500-3000 төгрөг байгаа бол дэлгүүрт 3500 төгрөгийн үнэтэй байна.
 
16.    Липтон цай 2300-2700 төгрөгийн үнэтэй болж бас л үнэ нь нэмэгдсэн байна.

17.    Давс 100 төгрөгөөр үнэ нь нэмэгдэж 700 болсон байна.

18.    Алаг салат 1800-2500 төгрөгийн үнэээр зарагдаж байсан бол 2700 төгрөг буюу түүнээс дээш үнэтэй байна.

19.    Элэгний нухаш 800 төгрөгийн үнэтэй байна.

20.    Цэвэр ус 500 төгрөг байсан. Харин одоо зарим дэлгүүр, захуудад 600-650 төгрөгийн үнэтэй байна.

21.    Жүржийн талст 2000  төгрөгийн үнэтэй болж 200 төгрөгөөр үнэ нь нэмэгджээ.

22.    Түмний кола ч мөн үнэ нь нэмэгдэж 2200 төгрөгийн үнэтэй болсон байна.

23.   " Өгөөж чихэр боов" компанийн  бүх бүтээгдэхүүн үнэ нь 300-500 төгрөгөөр нэмэгджээ.

24.    Үхрийн мах зарж буй газраасаа хамааран 9000-10000 төгрөгийн үнэтэй байна.