Гуравдугаар сарын 22-ны Баасан гарагийн 13:00 цагаас Төв аймгийн Батсүмбэр сумын түүхт 100 жилийн ойд зориулсан, тус сумаас төрөн гарсан Монгол Улсын начин Бат-Очирын Пүрэвдоржийн нэрэмжит улс, аймгийн алдар цолтой хүчит 128 бөхийн барилдаан Монгол Бөхийн Өргөөнд болно. Барилдах бөхчүүдийг гуравдугаар сарын 20-21-ний өдрүүдэд 10:00-17:00 цагийн хооронд цахимаар бүртгэнэ. Үзэгчид https://www.ticket.mn/event/2033-ээс тасалбараа захиалан авах боломжтой. Тус барилдааны түрүү бөх таван сая, үзүүр бөх гурван сая, дөрөвт шалгарсан бөхчүүд тус 1,5 сая төгрөгийн бай шагнал гардана.

Үндэсний үйлдвэрлэгч Бест буйдангийн 20 жилийн ойд зориулсан өндөр чансаатай, шилдэг 64 бөхийн энтертайнмент барилдаан ирэх бямба гарагт болно. Уг барилдааны үеэр нэг азтан арьсан буйдан, нэг азтан нэг сая төгрөг, супер азтан Тоёота Акуа машин хожно. 

Булган аймгийн Орхон сумын харьяат "хөнхөр" хэмээх Магсарын Гомбодорж зааны нэрэмжит улс, аймгийн алдар цолтой хүчит 128 бөхийн барилдаан 2024 оны гуравдугаар сарын 24-ний Ням гарагийн 13:00 цагаас Монгол Бөхийн Өргөөнд болно. Барилдах бөхчүүдийг гуравдугаар сарын 22-23-ны өдрүүдэд 10:00-17:00 цагийн хооронд цахимаар бүртгэнэ.

Л.Сайнаа