Иргэн Б.Бямбадэлгэрийн төрсөн дүү Б.Мягмардорж нь тархины хорт хавдар оноштойгоор БНХАУ-д эмчилгээ хийлгэсэн боловч дахин нээлттэй хагалгаанд цаг алдалгүй орох шаардлагатай болж, энэ цаг үед хандивийн аян үргэлжилж байна. 

Тэгвэл тус аянд ОУХМ Б.Билгүүн нэгдэж,  МСБХ-ны Үндэсний дээд лигийн 2023-24 оны аварга Хасын Хүлэгүүд багийн гишүүдийн гарын үсэг бүхий өөрийн өмсгөлийг дуудлага худалдаанд оруулахаар болжээ.  

20 жилийн түүхтэй Хасын Хүлэгүүд багийн тоглогчдын гарын үсэг бүхий, ОУХМ Б.Билгүүний 2023-24 оны улирлын тоглолтонд өмсөж байсан, цор ганц өмсгөлийг дуудлага худалдаанд оруулах эхний үнэ нэг сая төгрөг ажээ. Дуудлага худалдаа энэ сарын 20-ныг дуустал үргэлжилж, хамгийн өндөр үнэ хэлсэн хүнд гардуулан өгөх юм. 

Л.Сайнаа