Манай улсын өмнөө барьдаг тайз, кино урлагийн жүжигчид болох Ч.Болд, Ц.Цэрэнболд, С.Ариунбямба, Р.Баттогтох, Б.Барслхагва, Ж.Алтаншагай, М.Баярбат нарын арваад жүжигчид ирэх оны арваннэгдүгээр сард нээлтээ хийх “1242 – Gateway to the West” хэмээх Холливуудын кинонд гол болон туслах дүр бүтээхээр Унгар улсад очоод байгаа ажээ.

Тус кинонд Чингис хааны цэргийн жанжин, ач хүү Батхаан Монголын эзэнт гүрний баруун хязгаарын ерөнхий жанжнаар томилогдсон тухай өгүүлдэг. Тэрбээр хаан Кесареан болон Унгар дахь цайзын хамгаалалттай тулгарсан нь түүний Европын аян дайныг зогсоож, эцэст нь түүний унахад хүргэж буй кинонд өгүүлэх ажээ. 

Кинонд Батхааны дүрийг жүжигчин Ч.Болд, Ханхүү Буригийн дүрийг С.Ариунбямба, Нэгүн бөөгийн дүрийг Ц.Цэрэнболд, Кангарын дүрийг Б.Соёл-Эрдэнэ, Хашигийн дүрийг Ж.Алтаншагай, Хасигийн дүрийг Б.Бадрах, хуульчийн дүрийг Р.Баттогтох, Гүегийн дүрийг Б.Барслхагва нар тус тус бүтээх урьдчилсан тов гарчээ. Тус киног Италийн найруулагч Петер Сос найруулж, гол дүр Батхаанд жүжигчин Ч.Болд дүрээ бүтээх нь тодорхой болжээ.

Мөн тус кинонд ахмад Акосын дүрд Академийн шагналт жүжигчин Эрик Робертс, Кесареан хааны дүрд Рей Стивенсон нарын шилдэг жүжигчид тоглох юм байна.

Л.Сайнаа