АНУ-н хамгийн нэр хүндтэй нөлөө бүхий хүмүүсийн нэг та бүхний сайн таних жүжигчин, продюсер, бизнесман, улс төрч Арнольд Шварценегер АНУ-н Лос Анжелес хотод авто машины осолд өнгөрсөн баасан гарагт оржээ.

Уг осолд дөрвөн машиныг хамарсан бөгөөд приус маркийн улаан өнгийн машины жолооч эмэгтэй толгойдоо бэртэл авжээ. Азаар түүний бэртэл амь насанд нь халгүй гэмтэл байснаас гадна алдарт эрхэм болон бусад жолоочид ямар нэгэн хүнд бэртэл аваагүй. Одоогийн байдлаар уг ослын нарийн учир шалтгааныг тогтоогоогүй байгаа бөгөөд бүх жолоочдоос согтууруулах ундаа болон мансууруулах бодисын шинжилгээ авахад хариунууд бүгд сөрөг гарсан байна. Осол болох үед Арнольд Шварценегер суудлын машинаа жолоодож явсан ба түүний машин приус машины дээгүүр давж цаад талын хоёр машиныг мөргөсөн байдалтай олдсон.

П.Тамир