Беларусь улсад зохион байгуулагдаж байгаа Цэргийн дэлхийн аварга шалгаруулах тэмцээний "Мэргэн буудагчийн зааг" олон улсын тэмцээнд манай Зэвсэгт хүчний мэргэн буудагч нар маань амжилттай оролцож 18 улсаас 5 байрт шалгарлаа.

Тэмцээний нэгдүгээр байрт Беларусь, хоёрдугаар байрт Казахстан, гуравдугаар байрт ОХУ, дөрөвдүгээр байрт Хятад улсын мэргэн буудагч нар шалгарчээ.

Сонирхуулахад тус тэмцээнд бусад улсын байнгын бэлтгэлтэй мэргэн буудагч нар жилийн турш өдөр бүр буудаж, гүйж бэлтгэл хийдэг мэргэжлийн хүмүүс ордог бол манай мэргэн буудагчид дунд багш, салаан захирагч, салаан захирагчийн орлогч, холбоочин, гранатомётчин албан тушаалтнуудыг сонгон шалгаруулж оролцсон юм.

Тэдгээр мэргэжлийн мэргэн буудагч нартай эн тэнцэхүйц залуусыг богино хугацаанд бэлтгэхэд хурандаа С.Түвшинбаяр (райнжeр),зохион байгуулагч хурандаа Б.Хадбаатар, ахлах дэслэгч Б.Энхмагнай нар идэвх зүтгэлтэй оролцсон байна.

Л.Сайнбаяр